Зоонозын өвчин судлалын төв. Зоонозын өвчин судлалын төвөөс Эрүүл мэндийн сайдын 2020 оны нэгдүгээр сарын 22-ны өдрийн 19 дугаар албан даалгавар, Аймгийн засаг даргын 2020 оны нэгдүгээр сарын 28-ны өдрийн 01 дугаар албан даалгаврыг хэрэгжүүлэх ажлын хүрээнд Эрүүл мэндийн газрын 16, Авто тээврийн төвийн 10, Цагдаагийн газрын 66, Онцгой байдлын газрын 48 албан хаагч, Мэргэжлийн хяналтын газрын 2 улсын байцаагч, Сайнцагаан сумын эрүүл мэндийн төв , Өрхийн эрүүл мэндийн төвийн 22, эмч, эмнэлгийн ажилтан, ажиглах байр, авто замын постонд хяналт хийх 12 эмч, Шийдвэр гүйцэтгэлийн газрын 23 албан хаагч, нийт 199 эмч, эмнэлгийн ажилтан, мэргэжлийн байгууллагын албан хаагчдад сургалт зохион байгууллаа.
Тус сургалтад, коронавируст халдвар /Covid-19/-ын талаар мэдээлэл хүргэж, сэжигтэй болон болзошгүй тохиолдлын үед ажиллах албан хаагчдад ЭМС-ын 2019 оны А/537 тушаалын 7 дугаар хавсралтын дагуу 1 удаагийн хамгаалах хувцас хэрэглэл хэрхэн өмсөж, тайлах дадлага сургуулилтыг хийсэн байна.
