Мэргэжлийн хяналтын газар. Коронавирусийн/COVID19/халдвар, халдварт өвчнөөс урьдчилан сэргийлэх зорилгоор аймгийн төвд үйл ажиллагаа явуулдаг зочид буудал, дэн буудлуудад аймгийн Мэргэжлийн хяналтын газар,  Онцгой байдлын газар, Цагдаагийн газрын албан хаагчид хамтран хяналт шалгалт хийлээ.

Шалгалтаар Мэргэжлийн хяналтын газраас зочид буудлын орчин, өрөө, тасалгаануудын цэвэрлэгээ үйлчилгээнд хяналт тавьж, халдваргүйжүүлэлтийн бодисын нөөцийн талаар судалгаа авч цаашид эрүүл ахуй халдвар хамгааллын дэглэмийг сайтар сахиж ажиллах талаар мэргэжил арга зүйн зөвлөгөө өглөө.