Хөдөлмөр, халамжийн үйлчилгээний газар. Энэ сарын 18-ны өдөр Дундговь аймгийн Хөдөлмөр, халамжийн үйлчилгээний газраас Швейцарын хөгжлийн агентлагийн Залуучуудын хөдөлмөр эрхлэлтийг дэмжих төсөлтэй хамтран залуучуудын гарааны бизнесийг дэмжих ажлын хэсгийн гишүүдийн чадавх бэхжүүлэх, аймагт санаачлагчдын бүлэг байгуулахад дэмжлэг үзүүлэх зорилготой “Дундговь аймгийн залуучуудын гарааны бизнесийг дэмжих ажлын удирдлага, зохион байгуулалт, хяналт, үнэлгээ” сэдэвт сургалтыг зохион байгууллаа.
Сургалтад аймгийн Засаг дарга О.Бат-Эрдэнэ, ИТХ-ын нарийн бичгийн дарга Ц.Мөнгөнцоож, Хөдөлмөр эрхлэлтийн салбар зөвлөл, Хөдөлмөр, халамжийн үйлчилгээний газар, Гэр бүл, хүүхэд, залуучууд хөгжлийн газар, ХХҮГазартай хамтран ажиллагч хөрөнгө оруулагч компаниудын төлөөллүүд болон Мэргэжлийн сургалт үйлдвэрлэлийн төвийн захирал, арилжааны банкнуудын төлөөлөл, Монголын худалдаа аж үйлдвэрийн танхимын Дундговь аймаг дахь салбар танхимын дарга, “Говийн хөгжил наран” ТББ-ын тэргүүн зэрэг аймгийн төрийн болон хувийн хэвшлийн байгууллагуудын удирдлагуудыг хамруулсан байна.
Энэ үеэр сургалтад оролцогчдын дунд “Дундговьд гарааны бизнесийн экосистем бүрдүүлэх” сэдэвт хэлэлцүүлгийг зохион байгуулж, талуудын оролцоог тодорхойлжээ.
