Дэлхийн зөн Дундговь орон нутгийн хөгжлийн хөтөлбөрөөс санаачлан өрхийн амьдралын чанарыг дээшлүүлэх зорилгоор “Өнөөдрийн оролцоо-маргаашийн боломж” зорилтот хөтөлбөрийг хэрэгжүүлж байна. Тус хөтөлбөр нь гэр бүлийн оролцоонд тулгуурлан орон нутгийн төрийн болон төрийн бус байгууллагуудын хамтын ажиллагааг нэмэгдүүлж, нийгмийн бүхий л үйлчилгээг цогцоор хүргэж, тэдний амьдралын чанарыг сайжруулах зорилготой. Хөтөлбөрийн хүрээнд айл өрхүүдийн “Ундын усны хэрэглээ болон эрүүл ахуйн байдал”-д судалгаа хийх, сургагч багш бэлтгэх сургалтыг Эрүүл мэндийн газар, Нэгдсэн эмнэлэгтэй хамтран зохион байгууллаа. Тус сургалтаар айл өрхүүдээс гэр асуумжийн аргаар судалгааг 3 удаагийн давтамжтай авах бөгөөд иргэдэд  орчны эрүүл мэндийн талаарх мэдээлэл, сургалт, суртачилгаа хийнэ.