Байгаль орчин, аялал жуулчлалын газар. Байгаль орчин, аялал жуулчлалын яамнаас орон даяар зохион байгуулж буй "Зочлох үйлчилгээний сургалт"-ын "Хөтөч тайлбарлагч"-н сургалтад оролцогчид хээрийн дадлагаа Дундговь аймгийн байгалийн өвөрмөц тогтоц бүхий Цагаан суврага, түүх соёлын дурсгалт Дэл уулын хадны зураг, Зодохын нуур дээр тус тус хийлээ.
Сургалтыг хөтөч тайлбарлагчийн багш Х.Түмэндэлгэр, н.Орхон нар Дэл хадны зургийн судлаач Бичээчийн Батмөнхтэй хамтран зохион байгуулж түүх соёлын дурсгалт зүйлийг аялал жуулчлалын эргэлтэд оруулах, хамгаалах сургалт, танин мэдэхүйн аяллыг амжилттай зохион байгуулжээ.
