Шүүхийн шийдвэр гүйцэтгэх газар. Дундговь аймаг дахь Шүүхийн шийдвэр гүйцэтгэх газраас Олон Улсын ахмадын баярын өдрийг угтан байгууллагынхаа 13 ахмад настнуудаа хүлээн авч хүндэтгэл үзүүлэн, ахмадууддаа зориулан шинээр барьж ашиглалтад оруулж буй “Ахмадын өргөөг” ахмадын зөвлөлдөө гардуулан өглөө.
Мөн Улсад 49 жил, тус байгууллагад 17 жил жолоочоор ажиллаж байсан Ахмад настан С.Даваадагвын “Хөдөлмөр алдар”-ыг тэмдэглэн өнгөрүүлж ажилласан жил хөдөлмөр бүтээлийг нь өндрөөр үнэлэн Шүүхийн шийдвэр гүйцэтгэх байгууллагын “албаны төлөө I” зэргийн тэмдгээр шагнаж урамшуулал олгосон юм.
Дундговь аймгийн Ахмадын хорооноос ахмад настан бэлтгэл хошууч Д.Должинг Монголын ахмадын хорооны “Хүндэт тэмдэг”-ээр шагнан урамшуулсан. Байгууллагынхаа ахмад настнуудыг Төв халхын дуулалт жүжгийн театрт ахмадуудад зориулсан хүндэтгэлийн концертыг үзүүлэх зэрэг арга хэмжээг зохион байгуулжээ.
