Улсын бүртгэлийн хэлтэс. Монгол улсад бүртгэлийн байгууллага үүсч хөгжсөний 80 жилийн ойн ажлын хүрээнд өнөөдөр Дундговь аймгийн Улсын бүртгэлийн хэлтсээс “Нээлттэй хаалганы өдөрлөг”-ийг зохион байгуулж байна.

Тус өдөрлөгийн хүрээнд улсын бүртгэлийн бүх төрлийн үйлчилгээг нэг дороос, түргэн шуурхай авах боломжтой юм. “Нээлттэй хаалганы өдөрлөг” нь Дундговь аймгийн сумдад нэгэн зэрэг болж буй бөгөөд өнөөдөр /2020.10.27/ оройн 18:00 цаг хүртэл үргэлжилнэ. Иргэд та бүхнийг аймгийн Засаг даргын Тамгын газрын 1 давхарт “Улсын бүртгэлийн үйлчилгээ”-ний танхимд ирж өргөнөөр үйлчлүүлэхийг урьж байна.

“Нээлттэй хаалганы өдөрлөг”-ийн хүрээнд:

• Хуулийн этгээдийн эцсийн өмчлөгч бүртгэх, материал хүлээн авах, мэдээлэл зөвлөгөө өгөх
• Шинээр 16 насанд хүрсэн иргэн, 25, 45 насны сунгалтыг биеийн давхцахгүй өгөгдлийн бүртгэлд бүртгэх
• Хэвлэгдэн ирсэн иргэний үнэмлэх, гадаад паспортын олголт хийх
• Газар, үл хөдлөх эд хөрөнгийн ахны бүртгэлийн үйлчилгээ үзүүлэх
• Хаяж үрэгдүүлсэн болон хугацаа хэтэсэн иргэний үнэмлэх, иргэний гэр бүлийн бүртгэлийн хугацаа хэтэрсэн бүртгэл бүртгэх
• Газар, үл хөдлөх хөрөнгийн анхны бүртгэлийн үйлчилгээ үзүүлэх
• Хэвлэгдсэн үл хөдлөх эд хөрөнгө, газрыг гэрчилгээг олгох
• Иргэд үйлчлүүлэгчдээс сэтгэл ханамжийн судалгаа авах зэрэг үйлчилгээг үзүүлнэ.