Улаанбаатар хотод 2021.03.12-ны өдөр батлагдсан тохиолдлын дагуу орон нутагт хийсэн тандалт судалгаагаар гарсан ойрын болон дам хавьтал болсон иргэдээс коронавирусын халдвар илрүүлэх PCR шинжилгээний сорьцыг авах ажлыг 2021.03.15-16-ны өдрүүдэд шинжилгээний явуулын 5 баг гарган зохион байгуулж, нийт 340 сорьцыг Халдварт өвчин судлалын үндэсний төвд хүргүүлэн шинжилгээнд орууллаа.

2021.03.17-ны өдрийн 09:00 цагийн байдлаар ойрын хавьтал 26 хүний шинжилгээний хариу гарсан ба бүгд “сөрөг” буюу коронавирусын халдвар илрээгүй гарлаа. Дам хавьтал иргэдийн шинжилгээний хариу одоогоор гараагүй байна.

Бид дараагийн давтан шинжилгээг төлөвлөгдсөн хугацаанд авч ажиллана.

ДУНДГОВЬ АЙМГИЙН ЭРҮҮЛ МЭНДИЙН ГАЗАР