Коронавируст халдвар/ковид-19/-ын эсрэг дархлаажуулалтын нэгдүгээр шатны үйл ажиллагаа 2021 оны 4 дүгээр сарын 7-ны өдрөөс эхлэн аймгийн төв, сумдад зохион байгуулагдана.
Энэ хүрээнд аймгийн төвд эрүүл мэндийн байгууллагын ажилчдаас гадна 21 албан байгууллагын 995 ажилчдыг коронавируст халдвар /ковид-19/-ын эсрэг дархлаажуулалтанд хамруулах ба “Дархлаажуулалтын түр цэг” 7, “Дархлаажуулалтын байнгын цэг” 1 тус тус зохион байгуулагдаж ажиллана.
Дархлаажуулалтын байнгын цэгийг зохион байгуулах Биеийн тамир, спортын газрын төв зааланд цэвэрлэгээг хийж, заал болон гадны сүүдрэвчийн нийт 500 мкв талбайг Зоонозын өвчин судлалын төвөөс халдваргүйжүүллээ.
