Байгаль орчин, аялал жуулчлалын газар. 2021 оны хувьд 05 дугаар сарын 08-ны өдөр "Бүх нийтээр мод тарих үндэсний өдөр" тохиож байна. Айл өрх бүр хашаандаа мод тарихыг уриалж, энэ өдөр мод тарих боломжгүй тохиолдолд мод усалж, тогоог нь цэвэрлэж, арчлаарай.
Дундговь аймгийн хувьд 2010-2020 оны хооронд 20 удаагийн Бүх нийтээр мод тарих өдрийг зохион байгуулсан бөгөөд тус арга хэмжээг Сайнцагаан, Луус, Гурвансайхан, Дэлгэрцогт, Цагаандэлгэр сумдад зохион байгуулав. 2010-2020 онуудад аймгийн хэмжээнд “Бүх нийтээр мод тарих өдөр” арга хэмжээнд 1223 аж ахуйн нэгж байгууллагын 26542 иргэн 120.02 сая төгрөгийн хөрөнгөөр нийт 169937 ширхэг мод тарьсан байна.