Өнөөдөр аймгийн Статистикын хэлтсээс Монгол Улсад Статистикийн байгууллага үүсч, хөгжсөний 93 жилийн ойг тохиолдуулан Аймгийн төв номын санд “СТАТИСТИК МЭДЭЭЛЭЛ”-н буланг байгууллаа. Буланд 120 гаруй ном товхимол, мөн мэдээллийг цахимаар авах боломжийг бүрдүүлж мэдээллийн нэгдсэн www.1212.mn , хэлтсийн вэйб сайт www.dundgovi.nso.mn –ны заавар бүхий компьютерыг байршууллаа. Тус хэлтсийн дарга Б.Энхтуяа хэлэхдээ бид статистикийн мэдээллийг чанаржуулах, хүртээмжтэй болгох сарын аян өрнүүлсэн, Аяны хүрээнд тус буланг байгуулж иргэд мэдээлэл авах боломжийг нэмэгдүүллээ. Мөн цаашид төрийн байгууллагуудын судалгаа мэдээллийг хооронд нь уяалдуулж нэгдсэн нэг бодитой дүн мэдээтэй болоход анхаарч байна гэлээ. Тус буланг цаашид статистикын хэлтэс хариуцан мэдээлэл, номын баяжилтыг шинэчлэх юм. Ийнхүү иргэд номын сангаар үйлчлүүлэхийн зэрэгцээ статистикийн мэдээллийг авах боломжтой болов.