Шүүхийн шийдвэр гүйцэтгэх байгууллага үүсч хөгжсөний түүхт 100 жилийн ойг тохиолдуулан Дундговь аймаг дахь Шүүхийн шийдвэр гүйцэтгэх газрын хамт олноос “Сэтгэлийн дэм-Сайн үйлсийн” арга хэмжээг 2021 оны 05 дугаар сарын 26-ны өдөр амжилттай зохион байгуулсан.

Тус ажлын хүрээнд өрхийн хөдөлмөр эрхлэлт, ажил байдал, байгалийн гамшигт эвдэрч сүйтсэн гэр, хашаа зэргийг харгалзан Сайнцагаан сумын 6 дугаар багийн айл өрхийн дундаас түүврийн байдлаар 1 айл өрхийг сонгон эвдэрсэн хашааг засаж сэлбэх, өнгө үзэмжийг сайжруулах, хүнсний багц /гурил, будаа, сахар, гоймон, тос/ бүтээгдэхүүний тусламж үйлчилгээг үзүүлэх арга хэмжээг зохион байгуулан ажиллалаа.