Монгол улсын Засгийн газрын 2019 оны 05 дугаар сарын 22-ны өдрийн 204 дүгээр тогтоолын дагуу “Шүүхийн шийдвэр гүйцэтгэх байгууллагын ажилтны өдөр”-ийг жил бүрийн 08 дугаар сарын сүүлийн долоо хоногийн НЯМ гаригт тэмдэглэн өнгөрүүлдэг билээ.
Тус газрын хамт олноос Шүүхийн шийдвэр гүйцэтгэх байгууллагын түүхт 100 жилийн ойг тохиолдуулан өөрсдийн нөөц бололцоонд тулгуурлан Мандалговь хотын төв “Бор овоо”-ны энгэрт 100 буудалт даамны хөлөгт тоглоомын талбайг шинээр байгуулсан.
Шүүхийн шийдвэр гүйцэтгэх байгууллагын ажилтны өдрийг тохиолдуулан тус байгууллагын алба хаагч нар аймгийнхаа иргэдийн ая тухтай, эрүүл орчин нөхцөлийг бүрдүүлэх зорилгоор 100 буудалт даамны хөлөгт тоглоомын талбайн эргэн тойрон болон “Бор овоо”-ны орчмын хогийг түүж, цэвэрлэх ажлыг 2021 оны 8 дугаар сарын 26-ны өдөр зохион байгуулан ажиллалаа.
Эрүүл Аюулгүй Цэвэр Орчинд Амьдарцгаая!
