Ус, цаг уур, орчны шинжилгээний төв. Аймгийн Засаг даргын тамгын газар, Гэр бүл, хүүхэд залуучуудын хөгжлийн газар, Цагдаагийн газраас хамтран зохион байгуулж буй гэр бүлийн хүчирхийлэл, хүүхдийн эрхийг хамгаалах, аюулгүй байдлыг хангах оролцоог нэмэгдүүлэх, гэр бүлийн хүчирхийллийг илрүүлэх, мэдээлэх, олон нийт, эцэг эх асран хамгаалагчийн үүрэг хариуцлагыг нэмэгдүүлэх, иргэдийн эрх зүйн боловсролыг дээшлүүлэх зорилготой "Хүүхэд бүрийн төлөө хариуцлагатай байя" аяны туг, дэвтэр, посторыг байгууллагын дэргэдэх гэр бүлийн зөвлөл 2021 оны 10 дугаар сарын 13-ны өдөр хүлээн авч, дараах ажлуудыг зохион байгууллаа. Үүнд:
Нийт албан хаагчид "Хүүхэд бүрийн төлөө хариуцлагатай байя" аянд нэгдлээ. "Хүүхдийн нүдээр Бидний мэргэжил" сэдэвт гар зураг болон бүтээлийн уралдаан зохион байгуулж, нас насны ангилалд нэг байр шалгаруулан шагнаж, урамшууллаа. Үүнд:
"Миний гэр-Аюулгүй орчин" хяналтын хуудсаар үнэлгээ хийж, үнэлгээний дагуу учирч болзошгүй эрсдэлийг илрүүлж,хүүхдийн аюулгүй байдлыг хангаж ажиллалаа. "Хүүхэд хүмүүжлийн эерэг арга", "Угийн бичиг хөтлөх арга зүй", "Гэр бүлийн хүчирхийлэлтэй тэмцэх тухай хууль", "Хүчирхийллийн хэлбэрүүдийг таньж мэдэх нь" сургалтуудыг онлайн хэлбэрээр зохион байгуулж, албан хаагчдийн эрх зүйн боловсролыг дээшлүүлсэн юм.
Байгууллагын дэргэдэх үйлдвэрчний эвлэлтэй хамтран нийт 66 албан хаагчдыг 1,320.000 төгрөгийн витаминжуулалтаар хангалаа. "Хүүхэд хамгааллын ёс зүйн дүрэм"-ийг танилцуулан гарын үсэг зурж, гэрээ байгуулав.
