Боловсрол, соёл урлагийн газар. Боловсрол, соёл урлагийн газрын даргаар ахлуулсан 9 хүний бүрэлдэхүүнтэй "Зөвлөн туслах баг" Өлзийт сумын ЕБС, цэцэрлэг, соёлын төвийн байгууллагуудын 2021 оны гүйцэтгэлийн төлөвлөгөө, хичээлийн жилийн зорилтын хэрэгжилт, хичээл, сургалтын үйл ажиллагаа, хоцрогдол арилгах, нөхөх төлөвлөгөөний явц үр дүнтэй танилцан, сургууль, цэцэрлэгийн багш нарын хичээлд сууж зөвлөн туслах үйлчилгээг үзүүлэв.
Мөн сумын Засаг дарга Б.Гасрандоржтой албан уулзалт хийж, салбарын нөхцөл байдал, цаашид хамтран ажиллах чиглэлээр санал солилцон, БСУГ-ын Даргаас хүүхдийн хамгааллын асуудалд онцгойлон анхаарч ажиллахыг хүслээ.
