Ус, цаг уур орчны шинжилгээний төв. УЦУОШТөвөөс 2022 оны 02 дугаар сарыг өв уламжлалаа дээдлэх буюу “Монгол өв соёл”-ын сар болгон зарласантай холбогдуулан албан хаагчдын чөлөөт цагийг эрүүл агаарт идэвхтэй өнгөрүүлэх, уламжлалт тоглоом наадгайг танин мэдүүлэх, хөдөлгөөний дутагдлаас урьдчилан сэргийлэх зорилгоор "Мөсний баяр"-ыг байгууллагын дэргэдэх спорт хамтлагаас зохион байгууллаа. Мөсний баяраар мэндчилгээ, мөсөн шагай, морин уралдаан, сээр хугалах, мөсний боулинг гэсэн 5 төрөлт тэмцээн зохион явууллаа. Нийт 18 албан хаагчийн 3 баг хурд, хүч, авхаалж самбаагаа сорин өрсөлдсөнөөс Ц.Мөнх-Од ахлагчтай “Эвтэй дөрвөн амьтан” баг тэргүүн байр, Б.Өнөрхүү ахлагчтай “Гарын таван хуруу” баг дэд байр, Ц.Цэдэнсодном ахлагчтай “Дөрвөн бэрх” баг гуравдугаар байрыг тус тус эзэллээ.
