Байгаль орчин, аялал жуулчлалын газар. Улс, орон нутгийн хэмжээнд хог хаягдлыг ангилан ялгах ажил эрчимжиж байгаатай холбогдуулан Дундговь аймгийн Байгаль орчин, аялал жуулчлалын газар, Улаанбаатар хотод дахивар нөөц авдаг "Төвшин сайхан төв"-тэй хамтран "Сум, байгууллагын хог хаягдлын менежментийг сайжруулах, хог хаягдлыг эх үүсвэр дээр нь бууруулж, дахивар нөөцүүдээ хэрхэн бэлтгэх" сургалтыг аймгийн төр, хувийн хэвшлийн аж ахуйн нэгж, байгууллагын 69 төлөөллийг оролцуулан 2022 оны 03 дугаар сарын 23-ний өдөр зохион байгууллаа. Цаашид тус сургалтад оролцсон төлөөллүүд өөрийн байгууллагадаа хог хаягдал ангилан ялгах ажлын чиглүүлэгч болох юм.