Байгаль орчин, аялал жуулчлалын газар. "21 аймгийн Аялал жуулчлалын холбоодын Үндэсний чуулган"-ыг Байгаль орчин, аялал жуулчлалын сайдын ивээл дор, Монголын Аялал Жуулчлалын Холбоо санаачлан анх удаагаа зохион байгууллаа. Чуулганд Дундговь аймгийн Байгаль орчин, аялал жуулчлалын газар болон “Говийн шуранхай” аялал жуулчлалын холбооны удирдлага гишүүд оролцлоо. Энэхүү үйл ажиллагааны үеэр Монголын аялал жуулчлалын холбооноос 21 аймгийн аялал жуулчлалын холбоотой "Аялал жуулчлалын үндэсний зөвлөл" байгуулан, хамтран ажиллах санамж бичигт гарын үсэг зурж, төр хувийн хэвшлийн түншлэлийн томоохон ажлуудыг бодитоор эхлүүллээ.