Статистик. Дундговь аймгийн суурин хүн амын тоо 2021 оны жилийн эцсийн байдлаар 47542 болж өнгөрсөн оноос 268 хүнээр нэмэгдэж, жилийн дундаж өсөлт 0.6 хувь болжээ. Суурин хүн амын 50.3 хувийг эрэгтэйчүүд, 49.7 хувийг эмэгтэйчүүд эзэлж, хүйсийн харьцаа буюу 100 эмэгтэйд ногдох эрэгтэйчүүдийн тоо 101 байна. Нийт хүн амын 31.0 хувийг 0-14 насныхан, 63.3 хувийг 15-64 насныхан, 5.7 хувийг 65-аас дээш насныхан бүрдүүлж байна. Хүн амын голч нас 27 байгаа нь нийт хүн амын 50 хувь 27 –с дээш насныхан байгааг харуулж байна.

Нэг хавтгай дөрвөлжин километр нутаг дэвсгэрт ногдох хүний тоо 0.64 байгаа нь улсын дунджаас 1.56 пунктээр бага байна.

Дундговь аймгийн хувьд эмэгтэйчүүдийн дундаж наслалт 79.51 бол эрэгтэйчүүдийн дундаж наслалт 71.54 байна. Хүн амын дундаж наслалт 74.71 байгаа нь улсын дунджаас 3.7 насаар их буюу улсын хэмжээнд хамгийн өндөр үзүүлэлт юм.