Байгаль орчин, аялал жуулчлалын газар. Орчны бохирдлыг бууруулах үндэсний хорооноос Өвөрхангай, Дархан, Баянхонгор, Дундговь аймагт агаарын бохирдлыг бууруулах шүүлтүүр суурилуулах ажил хийгдэж байгаа билээ.  Дундговь аймгийн төвд дулаан үйлдвэрлэл эрхлэгч "Ган илч" ХХК, “Дундговь –Ус” ОНӨҮГ, "Тэвшийн говь" ХХК гэсэн 3 ААНэгжийн 8 зууханд уутат шүүлтүүр суурилуулах ажлын захиалагчийн хяналт ""Эрчим хүчний хөгжлийн төв" болон холбогдох мэргэжлийн байгууллагууд хийж байна. Энэхүү шүүлтүүрийг суурилуулснаар утааг 99% шүүх юм. Тус ажлыг 10 дугаар сарын 01-ээс хүлээлгэн өгнө.