ОБГ. Аймгийн Онцгой комиссын гурав дугаар хурал 8 дугаар сарын 24-ний өдөр хуралдаж Дундговь аймгийн зарим сумдад гарсан малын гоц халдварт өвчний талаар хэлэлцэж дараах шийдвэрийг гаргалаа.
Бог малын мялзан өвчин гарсан Сайнцагаан, Эрдэнэдалай, Гурвансайхан, Өлзийт сумдын баг, хороо нутаг дэвсгэрийн нэршлийг заан, хяналтын цэг гаргаж, хорио цээрийн дэглэм тогтоох аймгийн Засаг даргын захирамж гаргаж, хэрэгжилтийг хангах, сумдын мэргэжлийн ангийн бүрэлдэхүүнийг өвчний голомтод дайчлан ажиллуулж, мэргэжлийн байгууллагуудаас арга зүйн зөвлөмж авч ажиллахыг сумдын Засаг дарга нарт болон холбогдох байгууллагын удирдлагуудад үүрэг болголоо.
Малын гоц халдварт мялзан өвчний шинж тэмдэг 8 дугаар сарын 17-ний өдрөөс эхлэн илэрсэн бөгөөд шинж тэмдэг илэрсэн малаас дээж авч шинжлүүлэхэд өвчний магадлал батлагдсанаар хорио цээрийн дэглэмийг тогтоон ажиллаж байна.
ЭРСДЭЛГҮЙ ДУНДГОВИЙН ТӨЛӨӨ ХАМТДАА
