Статистикийн хэлтэс: Аймгийн нийгэм, эдийн засгийн байдал2022 оны 8 сарын байдлаар

Аймгийн нийгмийн даатгалын сангийн орлого 2022 оны 8 сарын байдлаар 41.1 тэрбум төгрөг, зарлага 39.6 тэрбум төгрөг болж, өмнөх оны мөн үеийнхээс орлого 13.1 тэрбум төгрөгөөр буюу 46.8 хувиар , зарлага 11.5 тэрбум төгрөг буюу 40.9 хувиар тус тус өссөн байна.Аймгийн Нийгмийн даатгалын хэлтсийн мэдээгээр нийгмийн даатгалд 2022 оны 8 дугаар сарын байдлаар 9470 хүн шимтгэл төлөгч, даатгуулагчаар бүртгэгдсэний 2138 хүн буюу 22.6 хувь нь аж ахуйн нэгж, байгууллагаас, 3936 хүн буюу 41.6 хувь нь төсөвт байгууллагаас, 3396 хүн буюу 35.9 хувь нь сайн дураар шимтгэл төлсөн нь өнгөрсөн оны мөн үетэй харьцуулахад төсөвт байгууллагын даатгуулагч өсч, аж ахуй нэгж байгууллагын даатгуулагч, сайн дурын даатгуулагч буурсан байна.Нийгмийн даатгалын сангаас олгосон тэтгэврийн хэмжээ 2022 оны 8 сарын байдлаар 32.9 тэрбум төгрөг болж, үүний 86.0 хувийг өндөр настны, 8.6 хувийг хөгжлийн бэрхшээлтэй иргэдийн, 2.5 хувийг тэжээгчээ алдсаны, 2.9 хувийг цэргийн тэтгэвэр эзэлж байна.