Дундговь аймгийн Хүнс хөдөө аж ахуйн газраас 2017 оны 12 дугаар сарын 30-ны өдөр зээрнээс шинжилгээний дээж авч улсын мал эмнэлэг ариун цэврийн лабораторит шинжлүүлэхэд ШҮЛХИЙ өвчин мөн болох нь тогтоогдсон байна. Өнөөдрийн байдлаар Дундговь аймгийн 15 суманд цагаан зээрэнд тандалт судалгаа хийхээр Байгал орчин аялал жуулчлалын газар, Хүнс хөдөө аж ахуйн газар, Улсын мал эмнэлэг ариун цэврийн төв лабораторын шинжээч эмч, цагдаа, тагнуулын алба хаагчдаас бүрдсэн 2 ажлын хэсэг гарч 4 хоногийн хугацаанд Цагаан зээр болон ойр орчмын бэлчээр нутагт өвөлжиж байгаа айл өрхүүдийн мал сүрэгт тандалт судалгаа хийж эхэллээ.