Хүнс хөдөө аж ахуй, хөнгөн үйлдвэрийн яамны салбарын хяналтын газрын 08-00/01 тоот удирдамжийн дагуу хүний амь нас, эрүүл мэнд, хүнсний аюулгүй байдалд учирч болзошгүй эрсдэл, хууль бус үйлдлээс урьдчилан сэргийлэх, зөрчил дутагдлыг илрүүлэх, таслан зогсоох, илэрсэн зөрчлийг арилгуулах, холбогдох хуулийн дагуу арга хэмжээ авах, зөвлөмж, зөвлөгөө өгөх, хоол, хүнсээр дамжих хордлого, халдвараас сэргийлэх зорилгоор Адаацаг суманд хүүхдийн баярыг тохиолдуулан худалдаа үйлчилгээ эрхлэгч 5, хоол үйлдвэрлэл үйлчилгээний 3 газрын үйл ажиллагаанд урьдчилан сэргийлэх хяналт шалгалт хийлээ.

Шалгалтаар хүнсний бүтээгдэхүүний хадгалалт, тээвэрлэлтийн горим мөрдөөгүй, бүртгэл хөтлөгөөг дутуу хөтөлсөн, дагалдах чанар аюулгүй байдлын баталгаажилтын бичиг баримтыг бүрэн бүрдүүлээгүй, жижиглэн савласан бүтээгдэхүүний хаяг шошгын мэдээлэл шаардлага хангаагүй зэрэг 25 дутагдал илэрсэнг тухайн газар дээр нь арилгуулан ажиллаа.