Дундговь аймгийн Хөдөлмөрийн бирж, Гэрэлтдэг ертөнц ТББ-ын санаачлагаар Хөдөлмөр халамжийн үйлчилгээний газрын дэмжлэгтэйгээр зохион байгуулсан "Happy mom" хөтөлбөрийн хүрээнд 12 залуу ээжийг сонгон авч чадавхжуулах, хөгжүүлэх, амьдралыг нь илүү их аз жаргалтай болгох зорилгоор хувь хүний хөгжлийн болон чадавхжуулах сургалт, танилцах аялал, уулзалт гэх мэт олон талт үйл ажиллагааг зохион байгуулж амжилттай өндөрлөлөө.

Оролцогчид 21 хоногийн хөтөлбөрийн хугацаанд суралцсан зүйлээрээ үзэсгэлэн гаргаж, өөрийн зорилго мөрөөдлийн самбарыг бүтээж, ментороос авсан зөвөлгөө даалгавар, дадлыг хэрхэн хэрэгжүүлж байгаагаа тайлагнан ҮР ДҮНГЭЭ хуваалцан чадамжийн гэрчилгээгээ гардан авлаа.

Хөтөлбөрийн хугацаанд дэмжин хамтран ажилласан багш нар, хүндэт менторууддаа талархал илэрхийлье.