2023 оны 06-р сарын 02-нд Сайнцагаан сумын ерөнхий боловсролын 5-н сургуулийн 8-9-р ангийн 491 сурагчдад “Мэргэжил сонголтын талаар ерөнхий ойлголт” өгөх зорилгоор бүлгийн сургалтыг зохион байгууллаа. Энэхүү сургалтаар сурагчдад мэргэжил сонгох 6 алхам болон мэргэжил сонголтонд гаргадаг нийтлэг алдаануудын талаар мэдээллийг хүргэсэн юм. Сургалтанд ЭДЦСургуулиас 96 сурагч, ГИЦСургуулиас 164 сурагч, “Хүмүүнлэг” ЕБС-аас 87 сурагч, “Цэгц билиг” сургуулиас 27 сурагч, “Мандал” ЕБС”-аас 117 сурагч тус тус хамрагджээ. Бид сургалтын эхэнд сургалтанд хамрагдаж буй сурагчдаас мэргэжлээ сонгосон эсэх талаар судалгаа авахад нийт сурагчдын 47.7% буюу 222 сурагч нь сонгоогүй гэж хариулжээ. Мөн энэ чиглэлээр сургалт авч байсан талаар тандахад 213 нь буюу 46,3% нь хамрагдаж байгаагүй байна. Тус сургалтыг Дундговь аймгийн БШУГазар, Хөдөлмөр, халамжийн үйлчилгээний газар болон “Гэрэлтдэг ертөнц” НҮТББ-аас хамтран зохион байгуулсан бөгөөд энэхүү үйл ажиллагааг дэмжин ажилласан сургуулиудын нийгмийн ажилтан, анги удирдсан багш нартаа талархал илэрхийлье.