Дундговь аймгийн Ахмадын хороо нь Хөдөлмөр, халамжийн үйлчилгээний газартай байгуулсан хамтран ажиллах гэрээний хүрээнд 2023.06.05-ны өдрөөс Ахмад настны "Өдрийн үйлчилгээ"-г 7 хоногийн хугацаатай зохион байгуулж байгаа бөгөөд энэ удаагийн ээлжинд нийт 25 ахмад настан хамрагдаж байна. Үйлчилгээнд хамрагдаж буй ахмадууд тоглоом наадгай тоглон, өглөөний цай, өдрийн хоолоор үйлчлүүлж АХА тэмцээн зохиох зэргээр өдрийг үр бүтээлтэй өнгөрүүлж байна. Мөн Хөдөлмөр, халамжийн үйлчилгээний газраас нийгмийн халамжийн үйлчилгээ, арга хэмжээний талаар дэлгэрэнгүй мэдээлэл танилцуулж, ахмадуудын санал сэтгэгдлийг сонслоо.
