Төрийн албан хэргийг 2025 оноос хос бичгээр хөтлөх явуулах болон үндэсний Монгол хэл, бичгийг сурах, сургах түгээн дэлгэрүүлэх, сурч эзэмших, Монгол бичгийг сэргээн хэрэглэх төрийн бодлогын хэрэгжилтийг идэвхжүүлэх “Үндэсний бичиг-III” хөтөлбөрийн хүрээнд Эрүүл мэндийн газрын албан хаагчид 3-р сургуулийн Г.Оюун-Эрдэнэ багшаар удирдуулан энэ онд Үндэсний бичгийн дунд шатны мэдлэг олгох модуль сургалт болон цахим бичвэрийн сургалтуудаа амжилттай зохион байгууллаа.

Дунд шатны сургалтанд 26 албан хаагч хамрагдан суралцаж шалгалтаа амжилттай өгч батламжаа гардан авсан бол цахим бичвэрийн сургалтанд 18 албан хаагч хамрагдан амжилттай шалгуулснаар батламжаа гардан авлаа.