БШУЯ-ны 2023 оны 01 дүгээр сарын 02-ны өдрийн “2023 оныг сургалтын байгууллагын менежментийг сайжруулах жил болгон зарлах тухай” А/01 дүгээр тушаал, БЕГ-ын даргын 2023 оны 03 дугаар сарын 22-ны өдрийн “Цэцэрлэгийн менежментийг сайжруулах тухай” А/89 дүгээр тушаал тус тус гарч, улсын хэмжээнд менежментийг сайжруулах туршилтын 30 цэцэрлэг сонгогдсон ба манай аймгийн төрийн өмчийн 22 цэцэрлэгээс Сайнцагаан сумын 5-р цэцэрлэг сонгогдон үйл ажиллагааг үе шаттай хэрэгжүүлэн ажиллаж байна.

2024 оны 01 дүгээр сарын 22-ноос 25-ны өдрийг дуустал хугацаанд нийт 34 эрхлэгч, аргазүйч нарт “Цэцэрлэгийн менежментийн загварыг туршин хөгжүүлэхэд зөвлөн туслах, байгууллагын стратеги болон гүйцэтгэлийн төлөвлөгөө хийхэд арга зүйн дэмжлэг үзүүлэх, байгууллагын өөрийн үнэлгээнд дэмжлэг үзүүлэх, хэрэглэгчээ эрхэмлэсэн, бүтээлч чадамжтай хамт олныг дэмжин хөгжүүлэх, зөвлөн туслах” зорилго бүхий сургалт амжилттай явагдлаа.

Сургалт, зөвлөн туслах үйл ажиллагааг БЕГ-ын мэргэжилтэн Д.Нарантуяа, аймгийн БШУГ-ын СӨБ хариуцсан мэргэжилтэн нар удирдан зохион байгуулж, цэцэрлэгийн 26 ажилтан, төрийн болон төрийн бус байгууллага, эцэг эх, нийт 60 хүн хамрагдлаа.