Монгол улсын Ерөнхийлөгчийн 2003 оны 105 дугаар зарлигаар жил бүрийн 5 дугаар сарын эхний 7 хоногийн “Ням” гаригийг “Үндэсний бичиг үсгийн баяр”-ын өдөр болгон монгол орон даяар тэмдэглэдэг билээ. Дуу хуур, өв соёлын өлгий нутаг Дундговь аймгийн “Үндэсний бичиг үсгийн баяр”-ыг 2024 оны 5 дугаар сарын 17-ны өдөр зохион байгуулав. Энэхүү арга хэмжээнийн 1, 2-р үе шатанд аймгийн 15 сумын хүүхэд багачууд, анги хамт олон, төрийн албан хаагчид, иргэдийн төлөөлөл, аймгийн удирдлагууд, аймгийн болон Сайнцагаан сумын хэлний бодлогын салбар зөвлөлийн гишүүд, аймгийн төвийн монгол хэл, уранзохиолын багш нар, Сайнцагаан сумын сургуулийн удирдлагууд, Политехник коллежийн удирдлага, багш нар нийт 1943 хүн оролцлоо. Үндэсний бичиг үсгийг угтан дараах арга хэмжээг зохион байгуулав. Үүнд:

Сайнцагаан сумын Цэгц билиг сургуулийн зохион байгуулсан “Бийрийн хэлхээ-2024” уран бичлэгийн уралдаан”-д 7-12-р ангийн 7 сургуулийн 55 суралцагч,

Буяннэмэхийн нэрэмжит аймгийн Төв номын сан, Сайнцагаан сумын хэлний бодлогын салбар зөвлөл, Говийн ирээдүй цогцолбор сургуулийн монгол хэлний багш нар хамтран зохион байгуулсан ЕБС-ийн 6-12-р ангийн сурагчдын үндэсний бичгээр хурдан зөв унших чадварыг хөгжүүлэх “Тэргүүний уншигч” уралдаанд 9 сургуулийн 49 суралцагч,

Сайнцагаан сумын Эрдмийн далай сургуулийн монгол хэлний багш нарын зохион байгуулсан “Төрийн албан хаагчдын их сорилго”-д 142 төрийн албан хаагчид,

Сайнцагаан сумын Хүмүүнлэг сургуулийн монгол хэлний багш нарын зохион байгуулсан “Төрийн албан хаагчдын цахим бичвэр” уралдаанд 63 төрийн албан хаагчид,

Үндэсний бичиг үсгийн баярыг угтан Политехник коллежоос зохион байгуулсан “Үндэсний бичгийн тээгч, түгээгч” арга хэмжээнд 9 сумын нийт 18 иргэд амжиллтай оролцов.

Үндэсний бичгийн хичээлийн хоцрогдлыг анги нийтээр нь арилгах, нөхөх, сургалтын чанарыг ахиулах зорилгоор Мандал сургуулийн зохион байгуулсан 7-р ангийн анги нийтийн олимпиадад 19 сургуулийн нийт 31 бүлгийн 709 суралцагч, 11-р ангийн 18 бүлгийн 457 суралцагч 2 удаагийн сорилд тус оролцлоо.