Аймгийн Засаг даргын үйл ажиллагааны хөтөлбөрийн 2024 оны төсвийн жилд санхүүжүүлэх төсөл арга хэмжээний хүрээнд аймгийн төвийн найман цэцэрлэг, сумдын 14 цэцэрлэгт урлаг, биеийн тамирын хичээлд шаардлагатай нийт 37.0 сая төгрөг бүхий есөн төрлийн 233 ширхэг тоног төхөөрөмж шийдвэрлэснийг аймгийн Засаг даргын Тамгын газрын дарга Л.Доржбат өнөөдөр гардууллаа. Үүнд даралтад пианика 105, толгойн микрофон 15, иж бүрэн зөөврийн чанга яригч 6, авирдаг шат 1, биеийн тамирын матрасс 30, нуман шат 2, бөмбөр 30, волейболын бөмбөг 30, биеийн тамирын ком хэрэглэгдэхүүн зэргийг олгосон юм.