Сайнцагаан сумын Говийн Ирээдүй, Мандал сургуулиудын үдийн хоолонд орон нутгийн хөрсөнд тариалсан алтан ембү япон сортын шинэ тарвасыг өглөө. Орон нутагт тариалсан хүнсийг хүүхдийн хоол, хүнсэнд хэрэглэх, үйлдвэрлэлийг дэмжих зорилгоор ургац хураалтын үетэй уялдуулан хоолны цэсийг боловсруулж шинэ сортын ургацыг шинээр нь хүүхдүүдэд өгч байгаа нь шим тэжээллэг байдлыг алдагдуулахгүйгээр олгож байгаа давуу талтай байна.

Мора Жи Эй групп нь байгаль орчныг хамгаалах үүднээс химийн бордоо, бодис хэрэглэдэггүй, хүн бүрийн сэтгэл амар хэрэглэж болох жимс, ногоог нутагшуулах технологийг нэвтрүүлэх зорилго бүхий “МОРА АГРО ПАРК” цогц төслийг хэрэгжүүлж байгаа үүний хүрээнд Япон сортын алтан ембү шар тарвасыг кластераар тариалж байна. Алтан ембү шар тарвас нь хаванг буулгаж шээс хөөхөөс гадна зүрхний шигдээс өвчнөөс урьдчилан сэргийлж, даралт ихсэх, судас хатуурах, цус харвах болон хорт хавдраас урьдчилан сэргийлдэг ашиг тустай. Маш олон шим тэжээлийн бодис агуулдгаас хоол тэжээлийн 4 гол бүрэлдэхүүн болох ликопен, цитрулин, кали, бета-каротиныг илүү агуулдгаараа онцлогтой юм.