Хүнсний ногооны хэрчилтийн арга техник, хүнсний ногоогоор хоолыг баяжуулахын хэрэгцээ шаардлага, эрүүл мэндэд нөлөөлөх ач тусын талаарх онолын мэдлэг, хүнсний ногоог ашиглах түүн дотроо орон нутгийн онцлогтой ногоогоор баяжуулсан хоол, хачир, жимсний компот хийх технологи, чадварыг эзэмшүүлэх зорилготой сургалтыг 2024 оны 08 дугаар сарын 26ны өдөр ЖАЙКА ОУБ-ын “ЕБС-ийн үдийн хоол үйлдвэрлэлийг дэмжих төсөл”-тэй хамтран зохион байгуулж нийт 15 сумын 84 хоолзүйч, тогооч нар оролцлоо.

Уг сургалтад урилгаар Монгол ногоо төвийн сургагч багш Ё.Урангэрэл оролцлоо. Онолын мэдлэгтээ үндэслэн орон нутагт тариалагдаж буй бууцай, нарийн шар хулуу, нарийн ногоон хулуу, лууванг ашиглан зутан шөл хийх, жимсний компот хийх, ногоо хөлдөөх аргаас суралцан дадлага ажил хийлээ.