Хүүхэд бүрд ном унших дадал зуршил бий болгох, ном унших замаар мэдлэгээ ахиулж, сэтгэн бодох чадвараа сайжруулах, чөлөөт цагаа зөв өнгөрүүлж өөрсдийгөө хөгжүүлэх зэрэг ном уншихын давуу талыг сурталчлан ойлгуулах зорилгоор “Ном миний амьдралд” арга хэмжээг Сайнцагаан сумын Засаг даргын Тамгын газар, аймгийн Боловсролын газар, Нэг үеийнхэн ТББ-ын 1987-1997 оны төгсөлтийн хамт олон, ерөнхий боловсролын сургуулиудтай хамтран зохион байгууллаа.

Энэ үеэр номын QR код уншигч принтер, 25 сая гаруй төгрөгийн өртөг бүхий Англи, Монгол хэл дээр бичигдсэн номуудыг ерөнхий боловсролын 14 сургуульд гардуулж өгсөн юм. Энэ үеэр Монгол улсын зөвлөх, Говийн Ирээдүй сургуулийн Монгол хэл уран зохиолын багш Э.Тогоохүү, Эрдмийн далай сургуулийн 11а ангийн сурагч Б.Бямбажаргал, 12д ангийн сурагч Б.Гантигмаа нар “Ухаалаг утаснаас уншлагын цаг руу” илтгэлийг танилцуулжээ.

Түүнчлэн Д.Нацагдорж тэмдэгтэн шагналаар Говийн ирээдүй сургуулийн 12а ангийн сурагч О.Дармааренчин, Хүмүүнлэг сургуулийн 8а ангийн сурагч Н.Цэрэнханд, Цэгц билэг сургуулийн 8а ангийн сурагч Д.Номинзул нарыг тус тус шагнасан байна.