Өвчний явц, хүндрэлийн улмаас байнгын асаргаанд орох шаардлагатай болсон хөгжлийн бэрхшээлтэй иргэний өвчний үндсэн онош нь ЭМСайд, ХНХСайдын 2021 оны А/807, А/216 тоот хамтарсан тушаалаар батлагдсан “Байнгын асаргаа шаардлагатай ахмад настан, хөгжлийн бэрхшээлтэй иргэний өвчин, гэмтлийн жагсаалт”-д бичигдсэн өвчний олон улсын кодтой нийцэхгүйн улмаас зарим иргэдэд байнгын асаргаа тогтоох боломжгүй нөхцөл байдал үүсээд байгаатай холбоотойгоор аймгийн Нэгдсэн эмнэлгийн нарийн мэргэжлийн эмч нарын хяналтын комиссын эмч нар болон Эрүүл мэндийн магадлалын зөвлөлийн төлөөлөл, Өрхийн эрүүл мэндийн төвүүдийн эмч нарыг оролцуулсан уулзалт ярилцлагыг Хөдөлмөр, халамжийн үйлчилгээний газар дээр зохион байгуулж тулгамдаад байгаа асуудлаар санал солилцож ярилцсаны үр дүнд үүсээд байгаа нөхцөл байдлын талаар нэгдсэн санал боловсруулж Эрүүл мэндийн яам болон Хөдөлмөр, нийгмийн хамгаалалын яамны холбогдох албадуудад хүргүүлж шийдвэрлүүлэх талаар нэгдсэн дүгнэлтэд хүрлээ.
