Энэ оны 3 дугаар сард аймгийн Засаг дарга Ц.Мөнбатаар ахлуулсан ажлын хэсэг Япон Улсын Эхиме мужийн Сейёо хотод ажиллах үеэр орон нутгийн өв уламжлал, зан заншлыг сурталчлах арга хэмжээг тус хотод зохион байгуулахаар хэлэлцсэн. Энэ хүрээнд орон нутгийн төлөөлөл, Төв халхын дуулалт жүжгийн театрын уран бүтээлчдийн хамт 11 дугаар сарын 01-ний өдөр "Монгол өдөр" арга хэмжээг тус хотын иргэдэд толилуулахаар бэлтгэл ажил ханган Сейёо хотыг зорих гэж байна.