Боловсрол, шинжлэх ухааны сайдын 2023 оны A/312 дүгээр тушаалаар батлагдсан ерөнхий боловсролын математикийн сургалтын хөтөлбөрийн хэрэгжилт, чанарыг сайжруулах цахим систем нэвтрүүлэх ажлыг үе шаттай хэрэгжүүлэх хүрээнд Говийн ирээдүй цогцолбор сургуулийн сургалтын менежер Б. Оюумаа, Эрдмийн далай сургуулийн бага ангийн багш Ө.Баасансүрэн нар eduten платформын танилцуулга, цахим системийг хэрэгжүүлэх багш нарыг бэлтгэх арга зүйн сургалтыг аймгийн төвийн 4 сургуулийн нэгдүгээр ангийн 18 багш нарт зохион байгууллаа. Уг сургалтанд сумдын сургуулийн бага ангийн багш нар маргааш цахимаар хамрагдах юм.

Сургалтаар eduten платформын танилцуулга, курс үүсгэх хичээл нээх, заах, сурагч бүртгэх, нэмэх, анализ дүн шинжилгээ хийх зэрэг систем дээр ажиллах аргачлалд суралцахаас гадна платформыг үндэсний, орон нутаг, сургуулийн түвшинд нэвтрүүлэх төлөвлөлт, бага боловсролын математикийн сургалтын хөтөлбөр, платформын даалгаврын нийцэл, хичээл төлөвлөлт, платформыг хэрэгжүүлэх технологийн орчин арга туршлагатай танилцлаа.