Дуу хуур, өв соёлын өлгий Дундговьчууд Үндэсний өв соёлоо тээх, түгээн дэлгэрүүлэх, хадгалж үлдэх зорилгоор аймгийн Засаг даргын 2024 оны 02 дугаар захирамжаар сар бүрийн 3 дахь долоо хоногийн Лхагва гарагт Үндэсний хувцсаа өмсөх өдөр болгосон.
Энэ сард Монгол Улс Анхдугаар Үндсэн хуулиа баталж, Бүгд Найрамдах Улсаа тунхагласны 100 жилийн ой тохиож буйгаар онцлог юм.
Ойн хүрээнд Үндсэн хуулийн түүхэн ач холбогдол, Үндсэн хуульт төрийн байгуулал, хууль ёсоо эрхэмлэн дээдлэх үзлийг хүүхэд залуучууд, иргэдэд таниулах, үндэсний болон түүхийн ухамсар, бахархлыг дэмжих, төлөвшүүлэх, өв соёлоо түгээн дэлгэрүүлэх, албан хаагчдын Үндсэн хуулийн талаарх мэдлэгийг сорих, тэлэх зорилгоор танин мэдэхүйн үйл ажиллагааг зохион байгуулж, үндэсний дээл, хувцас өмслөө.
