Дундговь аймгийн Боловсролын газар, Говийн ирээдүй сургууль хамтран ISO 9001:2015 Чанарын менежментийн тогтолцоог боловсролын салбарт нэвтрүүлэхээр зорин үе шаттай сургалтуудыг авч байна. ISO 9001:2015 олон улсын чанарын менежментийн стандартын хэрэгжилтийг сайжруулах, албан хаагчдыг дахин баталгаажуулалтын аудитад бэлтгэх зорилгоор ОХУ-ын техникийн ухааны магистр, стандарттай Монгол хөтөлбөрийг санаачлагч, ОУ-ын бүртгэлтэй ISO аудитор, зөвлөх, сургагч багш Д.Батсайхан, ОУ-ын стандартын академийн сургагч багш, зөвлөх С.Оюунтөгс, аудитор, зөвлөх багш Б.Жавхлан нар сургалт, зөвлөх үйлчилгээ үзүүлж байна.

Тус сургалтаар албан хаагчид ОУ-ын чанарын менежментийн тогтолцооны ISO 9001:2015 стандартыг байгууллагын үйл ажиллагаанд хэрэгжүүлэх хэрэгцээ ба шаардлага, стандартын талаарх ойлголт, стандарт хэрэгжүүлэх талаар Монгол улсын засгийн газрын талаас авч буй арга хэмжээ, стандарт хэрэгжүүлсний ач холбогдол болон үр дүнгийн талаар үе шаттай арга зүйн зааварчилга, зөвлөгөө авч төлөвлөгөөгөө боловсруулан ажлаа эхлүүллээ.