Дундговь аймгийн Онцгой байдлын газар нь “Сурагчийн цаг” өдөрлөгийг долоо хоног бүрийн Лхагва гарагийн 15:00 цагт тогтмол зохион байгуулан ажилладаг. 2018 оны эхний сурагчийн цагаар Эрдмийн далай цогцолбор сургуулийн “Өсвөрийн аврагч” бүлгэмийнхэн байгууллагын үйл ажиллагаатай танилцлаа.
Өдөрлөгийн хүрээнд ХСИС-ийн Онцгой байдлын сургуулийн 4 дүгээр дамжааны сонсогч П.Батбаяр өсвөрийн аврагч бүлгэмийн гишүүдэд зудын аюул болон мал амьтны гоц халдварт өвчнөөс урьдчилан сэргийлэх зөвлөмж мэдээллийг хүргэж, сурагчид байгууллагын үйл ажиллагаа, албаны онцлог, ашиглагдаж байгаа машин техник хэрэгсэлтэй танилцан ирээдүйд аврагч, гал сөнөөгч болоход юу анхаарах талаар санал зөвлөмж авлаа.
