Бүгд Найрамдах Өмнөд Судан улсад явагдаж буй НҮБ-ын мандаттай энхийг сахиулах ажиллагаанд үүрэг гүйцэтгэх Монгол Улсын Зэвсэгт хүчний наймдугаар ээлжийн бие бүрэлдэхүүн эх орноосоо мордоход бэлэн болжээ. Цэргийн багт Зэвсэгт хүчний 40 гаруй анги байгууллага, Үндэсний аюулгүй байдлыг хангах тусгайлсан чиг үүрэг бүхий ХХЕГ, ЦЕГ, ОБЕГ, ТЕГ, ШШГЕГ-ын алба хаагчид Зэвсэгт хүчний Сургалтын нэгдсэн төвд ажиллагааны өмнөх бэлтгэл сургуулиа бүрэн хангаад байгаа юм. Тус ажиллагаанд Онцгой байдлын байгууллагын 27 алба хаагч оролцож байгаа бөгөөд Дундговь аймгийн онцгой байдлын газраас ахмад Ц.Доржпүрэв үүрэг гүйцэтгэхээр эх орноосоо мордож байна. Эх орон, эх дэлхийн төлөө цохилох зүрхтэй ахмад Ц.Дожпүрэвийнхээ хайрт эхнэр, хүүхдүүд болон ар гэр ах дүү хамаатан саданд нь эрүүл энх хамгийн сайн сайхан бүхнийг хүсэн ерөөе.
