Дундговь аймагт 2017 онд нийт 8,283 малтай өрх үүний дотор 7,001 малчин өрх мал аж ахуйн үйлдвэрлэл эрхэлж, үүнд 12,222 малчид ажиллаж байна. 2017 онд малтай өрх өмнөх оноос 336, малчин өрхийн тоо 411 өрхөөр өсч, малчдын тоо 51 малчнаар өссөн дүн гарлаа. Аймгийн хэмжээний нийт өрхийн 48.1 хувийг малчин өрх эзэлж байна. Малчдыг насны бүлгээр нь авч үзвэл 3,975 буюу 32.5 хувь нь 16-34 нас, 6,337 буюу 51.8 хувь нь 35-60 нас, 1,864 буюу 15.3 хувь нь тэтгэврийн насны хүмүүс эзэлж байна.
Дундговь аймаг 2017 оны жилийн эцэст 3,593.0 мянган толгой мал тоолуулсан нь өмнөх оноос 533.1 мянган толгой буюу 17.4 хувиар өссөн байна. Үүний дотор тэмээ 36.8 мянга, адуу 160.2 мянга, үхэр 75.3 мянга, хонь 1,686.2 мянга, ямаа 1,634.6 мянган толгой болж мал сүрэг таван төрөл дээрээ өссөн үзүүлэлттэй гарлаа.
