2017 оны жилийн эцсийн мэдээгээр аймгийн хүн амын тоо 46383 болж өмнөх оноос 868 хүнээр буюу 1,85 хувиар өссөн нь Монгол улсын хүн амын 15 хувийг эзэлж байна. Тус аймгийн хувьд 15 сумын 13 суманд хүн амын тоо 0,3-3,7 хувиар өсч, 2 суманд буурсан байна. Нийт хүн амын 49,8 хувь буюу 23078 нь эмэгтэй, 50,2 хувь буюу 23305 нь эрэгтэйчүүд байна. Аймгийн нийт хүн амын өсөлтийг өмнөх онтой харьцуулахад 2012-2013 онд 0,5 хувиар, 2013-2014 онд 0,4 хувиар буурч байсан бол 2015- 2017 онуудад 1,3-1,9 хувиар өссөн байна.
2017 оны байдлаар нийт хүн амын 29,0 хувийг 0-14 насны хүүхэд, 65,8 хувийг 15-64 насны хүмүүс, 5.2 хувийг 65 ба түүнээс дээш насны хүн ам эзэлж байна. Энэ нь өнгөрсөн онтой харьцуулахад нийт хүн амын дунд 65-аас дээш насныхан болон 0-14 насныханы эзлэх хувь өссөн нь харагдаж байна. Тус аймгийн хувьд хүн амын голч нас 27 байна. Энэ нь нийт хүн амын 50 хувь нь 27 наснаас дээш насныхан, 50 хувь нь 27 наснаас доош насныхан байна гэсэн утгатай юм.