Гэр бүлийн хүчирхийлэл үйлдэгч иргэдийн зан үйлд нөлөөлөх, эерэг үзэл бодол, зан үйлийг хэвшүүлэх, гэр бүлийн гишүүдийн аюулгүй байдлыг хамгаалах, эрсдэлийг бууруулах зорилгоор “Гэр бүлийн хүчирхийлэл үйлдэгчийн зан үйлд нөлөөлөх” сэтгэл зүйн сургалтыг "Оюуны гэгээ" ТББ-тай хамтран зохион байгууллаа.
Сургалтад Сайнцагаан сумын гэр бүлийн хүчирхийллийн харилцаатай гэр бүлийн гишүүдийг хамруулсан бөгөөд 20 иргэн оролцсон. Сургалтаар гэр бүлийн хүчирхийлэл, түүний үр дагавар, хүчирхийлэл хүүхдэд хэрхэн нөлөөлөх, стресс бухимдлаа хэрхэн даван туулах зэрэг онолын мэдлэг олгож, иргэд хүчирхийллийн сөрөг үр дагаврын талаар мэдлэгтэй болж, өөрийн ухамсар, зан үйлд дүгнэлт хийх, зан үйлдээ эерэг өөрчлөлт гаргахад нөлөөлөх зорилготой юм.
