Аймгийн Гал түймэр унтраах аврах 25-р ангийн түүхт 40 жилийн ой энэ өдөр тохиож Онцгой байдлын алба хаагчид түүхэн ойгоо тэмдэглэж байна. Тус анги нь БНМАУ- ын Сайд нарын зөвлөлийн тогтоол, Нийгмийн аюулаас хамгаалах яамны сайдын тушаалаар 1977 оны наймдугаар сарын нэгний өдөр “Гал команд" нэртэйгээр байгуулагджээ. Аймаг гал унтраах ангитай болсон тэр цагаас албаны үүрэг улам өргөжин тэлсээр 60 гаруй алба хаагчтайгаар болзошгүй гамшиг ослоос ард иргэдийг авран хамгаалах, урьдчилан сэргийлэхэд ажлын гол үүргийг чиглүүлэн ажиллаж байна.
Ийнхүү 40 жилийн ойгоороо тус байгууллага төр засаг, ард түмнийхээ өмнө гүйцэтгэсэн үүргээ үнэлж дүгнэлээ. Ойн баярыг тохиолдуулан олон жил үр бүтээлтэй ажилласан зарим алба хаагчдыг шагнаж урамшууллаа.
