2018 оны 12 дугаар сарын 1-ний өдөр баруун аймгуудын нутгаар, 2-ны өдөр ихэнх нутгаар цас орж, салхи 18-24 м/с хүрч цасан шуурга шуурч хүйтний эрч чангарна. Энэ үеэ үзэгдэх орчин хязгаарлагдах, хальтиргаа гулгаа үүсэх, автозам, даваа цасанд хаагдах зэргээр зам тээвэр, эрчим хүч, хөдөө аж ахуйн салбарын үйл ажиллагаанд эрсдэл учирч магадгүй тул аж ахуйн нэгж, байгууллага, ард иргэд болзошгүй аюулаас урьдчилан сэргийлж хүүхдийг хараа хяналтгүй орхихгүй байх, малын бэлчээрлэлтэд онцгойлон анхаарах,
Тээврийн хэрэгслийн жолооч нар хол, ойрын замд зорчихгүй байх,
Бага насны хүүхэд, өндөр настан болон хөгжлийн бэрхшээлтэй иргэдийг харгалзах хүнгүйгээр үлдээхгүй байх, холбогдох мэргэжлийн байгууллагуудаас гаргасан анхааруулах, сэрэмжлүүлэх мэдээллийг үндэслэн ажлаа зөв зохицуулах хүчтэй салхи шуурганы үед замд гарахгүй байх, зайлшгүй шаардлагатай тохиолдолд хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчихыг зөвлөж байна.
ДУНДГОВЬ АЙМГИЙН ОНЦГОЙ БАЙДЛЫН ГАЗАР
