Дундговь аймгийн нутаг дэвсгэрт үйл ажиллагаа явуулж буй хүн ам олноор цуглардаг, худалдаа үйлчилгээний газруудад “Шинэ жил” нэгдсэн арга хэмжээт удирдамжийн хүрээнд гал түймрийн аюулаас урьдчилан сэргийлэх төлөвлөгөөт бус хяналт шалгалтыг Онцгой байдал, Цагдаа, Мэргэжлийн хяналтын газрууд хамтран зохион байгуулан ажиллаж байна.
Уг шалгалтын зорилго нь худалдаа, үйлчилгээний газруудад Галын аюулгүй байдлын тухай, Зөрчлийн тухай, Зөрчил шалган шийдвэрлэх тухай, Барилгын тухай, Эрчим хүчний тухай, хууль тогтоомж, түүнтэй нийцүүлэн бүх нийтээр дагаж мөрдөхөөр гаргасан стандарт, техникийн нормативын хэрэгжилтийг шалгаж үнэлэлт дүгнэлт өгч, мэргэжил арга зүйн зааварчилгааг өгөх, тухайн байгууллагын барилга байгууламж болон үйлчлүүлэгчдийн аюулгүй байдлыг хангуулах зорилготой юм.
