Хүнсний аюулгүй байдлын үндэсний лавлагаа лабораториос Хяналтын итгэмжлэгдсэн лабораторийн нэгдсэн сүлжээнд мэдээллийн удирдлагын системийг суурьлуулах ажил зохион байгуулаад эхэлсэн билээ.. Энэ ажлын хүрээнд ХАБҮЛЛаб-с 2 мэргэжилтэн Дундговь аймгийн Мэргэжлийн хяналтын газрын дэргэдэх Хяналтын итгэмжлэгдсэн лабораторит MNS ISO/IEC 17025:2018 стандартын дагуу үнэлгээ хийж мэргэжил арга зүйн зөвлөгөө өгч ажиллалаа. Джитал мед ХХК-ний инженер МХЕГ-аас өгсөн компьютерийг лабораторит хүлээлгэн өгч limes программ хэрхэн нэвтрүүлэх талаар сургалт зохион байгууллаа. Энэ программын тусламжтайгаар лабораторийн дээж хүлээн авахаас хариу гарах хүртэлх явцыг интернэт орчинд бүртгэн баталгаажуулах, иргэд, аж ахуй нэгж, холбогдох байцаагч нар нууц кодоор нэвтрэн шинжилгээний хариугаа харах нөхцөл бүрдэх юм. Мөн бүх аймаг, нийслэл, хил боомтын лабораториудын ажилчид өөр хоорондоо харилцах, мэдээ мэдээллээ солилцох бололцоо бүрдэж байгаагаараа давуу талтай .
