Аймгийн сонгуулийн хорооноос Монгол улсын ерөнхийлөгчийн сонгуульд нэр дэвшигчдийн шадар туслахуудын үнэмлэхийг гардууллаа. Мөн Сонгуулийн сурталчилгаа хийх ухуулагч, ухуулах байр, сурталчилгаанд явах тээврийн хэрэгсэл зэргийн тоо болоод улс төрийн намууд сонгуульд хэрхэн оролцох талаар мэдээлэл өглөө.
Аймгийн Сонгуулийн хорооноос өгсөн мэдээллээр улс төрийн гурван намаас нэр дэвшсэн гурван нэр дэвшигчийг Дундговь аймагт нийт 135 шадар туслахууд төлөөлөн ажиллах юм. МАН-с 60, АН-с 60, МАХН-15 хүн шадар туслахаар ажиллах хүсэлтээ ирүүлсний дагуу үнэмлэх олголоо. Аймгийн Сонгуулийн хорооноос улс төрийн намуудад Монгол улсын ерөнхийлөгчийн ээлжит сонгуульд улс төрийн өндөр соёлтой, ёс зүйтэй оролцохыг уриаллаа.
