Дундговь аймгийн Хөдөлмөр,халамжийн үйлчилгээний газар Говь-Угтаал сумын засаг даргын тамгын газартай хамтран зүүн бүсийн сумдын хөгжлийн бэрхшээлтэй иргэдийн чуулга уулзалтыг энэ сарын 17-ны өдөр Говь-Угтаал суманд зохион байгууллаа. Тус арга хэмжээнд Дэлгэрцогт, Дэрэн, Цагаандэлгэр, Баянжаргалан, Говь-Угтаал, Өндөршил, Гурвансайхан сумдын 100 гаруй хөгжлийн бэрхшээлтэй иргэд оролцсон. Чуулганаар Хөдөлмөр, халамжийн үйлчилгээний газрын мэргэжилтнүүд мэдээлэл хийж, "Дамиахүү" ХХК-ний багш Ж.Эрхэмбаяр "Сайхан амьдрахын нууц" "Гэр бүлийн харилцаа" сэдэвт лекцийг уншлаа. Энэхүү арга хэмжээг зохион байгуулахад хамтран ажилласан Говь-Угтаал сумын засаг дарга Ө.Мөнх-Амгалан түүний тамгын газар, Говь-Угтаал сумын амьжиргааг дэмжих зөвлөлийн гишүүдэд ТАЛАРХАЛ илэрхийлье.
